NUNAVUMI IKAYUGUTIT ILIHAGUTINUT PILIHIMAYUT

NITCkut UKPIGIYUT AKHUT TUHAKTITINAHUAKHUGIT HANATJUTIGIT NUNAVUMI IKAYUKHUTIK ILIHAUTINUT OVALO ILAA ILINIAGIAKPAALIVINUT INUULGAMINUT INUIT.

1994mi AMIGAIVYAKTUT INUIT HAVAKVIIT AUTLAKTIYUT IKAYUGUTIKHANIK ILIHAGUTINUT PILIHIMAYUNIK MIHAANUT PITKUNAHUAKHUGIT NUNATAAGUTIT ANGIGUTAANUT ILAUYUNUT ILIHAGIAGITA BUSNINI, MUNAGIYINI, PITKUHIVUT MUNAGITJUTAINI, NUNANI HANATJUTINI, INUUVIVINIPTINIK, OVALO IKAYUGUTINIK ILIHAGUTIKHAINIK…TAMAMIK IHUMAGIYAUYUT IKPINAKTUT NAKUUYUMIK INIKTIGIAMINI NUNATAAGUTIT ANGIGUTAA.

PILAAKTUT

PILAAKTUT HAPKONINGA IKAYUGUTIKHANIK PIHIMAYUKHAUYUTIT HAPKONANI MALIGUTINI:

• TITIGAKTAUHIMALUTIT ILAUYUTIT ATAANI NUNAVUMI NUNATAAGUTIT ANGIGUTAANUT;
• TITIGAKTAUHIMALUTIT OVALUNIIT ANGIKTAUHIMALUTIT ILITAGIHIMAYUNI TAMAAT INIKTIGUTIKAKTUNI UNIVERSITIMI OVALUNIIT ILINIAGIAKPAALIVIKMI INITIAGUTIKAKTUNIK OVALUNIIT INIKTIGUTIKAKTUNIK PILIHIMAYUNIK;
• PIHIMANAHUALUTIT TAMAAT ILIHANIAKTUTIT ILINIK PIYUMAYANIK PILIHIMAYUNIK;
• PIHIMALUTIT TAMAAT ILIHAGUTIKHANIK PILIHIMAYUNIK;
• PIHIMALUTIT KITKANIITUKHANIK 60%nik ILIHAGUTINIK PIKATAKTITLUTIT IKAYUGUTINIK KINAUYANIK.

PIPKAILAAKTUT HAVAKVIIT

IKAYUGUTIT KINAUYANIK PILIHIMAYUT ILAUYUT TAMAAT INIKTIGUTINI AYOIKHAGUTIT ATUKTUKHAT HANAHIMAYUT INUIT HAVAKVIINIT MIKHAANUT OVALUNII MIKHAANUVYAK MUNGIYIT NUNATAAGUTIT INIKTIGUTAINIK OVALO MUNAGITJUTAINIK. PIPKAILAAKTUT IKAYUGUTIKHANIK KINAUYANIK PILIHIMAYUT HAPKOA:

• NUNAVUT TUNNGAVIK TIMINGA
• NUNAVUMI INIKTILIGIYIT AYOIKHAKTIT KATIMAYIGALAAT TIMINGA
• KIVALLIQ INUIT KATUTJIKATIGIT
• KITIKMEOT INUIT KATUTJIKATIGIT
• QIKIQTANI INUIT KATUTJIKATIGIT

IKAYUGUTIT KINAUYANIK

ILIHAGUTIT IKAYUGUTIKHAIT PILAAKTUT ILIHAKTUNUT ILAUYUT TAMAAT, PILAAKTUNUT PILIHIMAYUT $1,750MIK UKIUMI
ILIHAKTUT ILAUYUT NUNAVUT SIVUNIKSAVUMUT PILAAKTUT TUNITAULUTIK $1000MIK UKIUMI

ILIHAGUTIT IKAYUGUTIKHAIT AKILIKTAUNIAKTUT ATAUHIMIK, TAMAAT AKILIKLUGIT PILIHAALIKAT ILIHAGUTIKHAIT UKIUT.

IKAYUKTAUYUT PIHIMAYAKHAIT

ANGIKTAUYUT UKTUKTUT PIHIMAYUKHAT TAMAT KITKANI 70%MIK TUNIYAUGUMIK ILIHAGUTIT IKAYUGUTIKHAINIK. ILIHAKTUT PIHIMAYUKHAT TUNILUTIK INIKTIGUTAINIK INIKATA TAMAMIK ILIHAGUTAIT UKIUMI OVALUNIIT KITKANI.

UKTULAAKTUTIT OVALO PILAAKTUTIT ATAUHIMIK ILIHAGUTI IKAYUGUTIKHAINIK ATAANI HAMNA PILIHIMAYUNI UKIUK TAMAAT ILIHAGUVIT PILAAKTUNI INIKTIGUTIKAKTUNIK OVALO/OVALUNIIT INIKPIAKAKTUNIK PILIHIMAYUNI ILIHAKTANI.

UKTUGUTIT ATUGUTAIT

UKTUGUTIT MAKPIGAAGIT PILAAKTUT HAMANI. FONIKLUGITLU 1-866-337-3310 OVALO APIGILUGIT MAKPIGAAKHANIK.

• TAIGUALUGIT MAKPIGAAT TITIGAKTINAGIT.
• PUIGUNGILUTIT TITIGAKLUGIT TAMAITA UKTUGUTIT MAKPIGAAT. UKTUFAALIGUVIT PUIGUKTAILUTIT TITIGAKLUGIT MAKPIGAAT OVALO NAUNAIYAKTILUGIT AALANGUKATA TITIGAVIKHAT OVALO FONIVIKHAT
• PUIGUNGILUTIT APIGILUTIT INIKTIGUTITIT OVALO INIGUTITIT NAUNAIKUTAINIK.
• APIKUTIKAGUVIT FONIKLUGIT NITCkut.
• TUYUKLUGIT INIKHIMAYUT UKTUGUTIT MAKPIGAAGT HAMONGA:

INIKTINAGU ILIHAGUTIT UKIUNGA, TITIGATJAVUTIIT APIKHUTIKHANIK IKAYUGUTIT NUTAAGUFAAGUTINIK. TALVALO TAKULUGIT ILIHAGUTITIT INIKTIGUTAIT TITIGAKVIANI ILINIAGIAKPAALIVIKNI OVALUNIIT UNIVERSITINI APIGILUGIT INIKTIGUTITIT TUYUKULUGIT HAMONGA TITIGAKVIMUT.

UMIKTIGUTIGIT

UMIKTIGUTIGIT UKTUNAHUANU HAPKOA:

• UKTUGUTIKHAT PINIAKTUT PILIKLUTIK JUNE 1MI.
• UMIKNIAKTUK UKTUGUTIKHAT SEPTEMBER 1MI.

TAKSINIK

ATAANI KANATAUP PIKUYAKYUANGANI, TAMAMIK IKAYUGUTIT PIHIMAYUT TAKSILAAKTUT KINAUYALIUKTATIT OVALO TUHAKTITAKHATIT TAKSINIK UTITITJUTAINI. TUNIYAUNIAKTUTIT T4/Anik MAKPIGAANIK OVALO ILAUTIYAKHATIT UTIKTIGUNI TAKSIGUTITIT. KIHIMI TAMAMIK IKAYUKTAULAAKTUT PIVAKTUT NUNAKAKAAAHIMAYUT INUIT KANATAMI UNGUVALAAKTUT TAKSINIT.